Seniorinnen  2018-08-14  Turnfahrt Schoggifabrik Läderach

Schoo wieDTV SEN BLD 2018 08 14 Turnfahrtder isch es Jahr verbii und 24 Turnerinne sind au das Jahr wider mit derbii!!
Mir fahred wiä immer mit em Car, aber das mal mit em Rösli-Knöpfli Car!!
Es isch eus au mit em neue Team pudelwohl und säged dä zruggbliebene Läbedwohl!!
Los gats Richtig Bilte da lueged mir Schoggi-Fabrik Läderach a!!
Mir werdet empfange mit Kafi und Gipfeli, sowiä Schoggi aller Art und lueged alles ganz genau a!!
Voo dunkle, helle, wiise und Praline aller Art!!
D‘ Füehrig isch gsii wunderbar nur eusi Figure mached eus ächli chummer „na ja“????
Mit em Schiff fahred mir uf Quinte is Restaurant Seehus, dä z’Mittag isch sehr guet und gset au super us!!
Mit vollne Büch gömer zrugg mit em Schiff uf Mühlehorn, es hät jetzt au uf ghört rägne und mir sitzed duse bii agnehme Temparature und dä Wind i dä Haar!!!
Witer gats üeber ‘s schöni Toggeburg, wo mir dänn scho bald wänd en Dessär nä, uf dä hämer verzichdet im Seehus, damit är besser abgat wän, mir in düent schpöter nä!!
D’Heidi Rutschmann, eusi Fotografin rüeft, mir mached no es Gruppe-Föteli und zwar bii Sunneschii!!
Nur eusi eltischti Turneri, d’ Margrit Kaufmann bald 94 Jöhrli seit: "Ich wot nid uf d’ Foti" und schoo töents: "Du chunsch au, mir alli findet dich ganz e tolli Frau!!!"
Und schoo gats bii strömendem Räge uf dä Heiwäg, es wird langsam ächli schtill, aber allne gats guet und sind z’friede und zwäg!!!
Am 18.30 Uhr chömed mir in Seen bim Burehus a!!! Aber diä meischte wänd nid ohne en Abschieds-Trunk hei ga!!
Soo gaht en schöne Tag z’end und mir wüensched eus nur eins, dass es nöchscht Jahr wieder git e Reis!!!

Marlies Gasser